Letschda Samsdeg hand dia Buaba vom KGF d Saison 2016/2017 verabschiedat. Älla zamma hand se no am Coach Traugott Dankschea gsait ond sand oms Fuier romghoggat. Do derbei hend se halt au bräglat ond s oi oder andere scheane Momentle aus de Spiel nommol en Erinnerung ghollat. Dankschea mag ma no an der Sebbi saga, der jetzt jahrelang der Schatzmeischder war ond des wichtige Amt an da Markus weiterreicht. Au dohanna a Dankschea dass du des machsch. Älle gangat se jetzt mit mehr oder weniger erholte Wada end Sommerpause ond fraiat sich scho auf s nächste Johr.
